O pasado xoves 7 de marzo tivo lugar a primeira toma de contacto entre algúns dos compoñentes da Xunta Directiva da UFEDEGA. A reunión celebrouse na Sede da Real Federación Galega de fútbol en Santiago de Compostela e asistiron entre outros os presidentes das Federacións Galegas de Fútbol, Balonmán, Baloncesto, Caza, Karate, Ciclismo, Atletismo, Piragüismo e Taekwondo.
Nesta primeira xuntanza tratáronse cuestións importantes especialmente no relativo á xestión interna da UFEDEGA e á estratexia a seguir para promover, defender e representar o deporte federado galego.
