UFEDEGA presenta Deixa Xogar, un proxecto pioneiro para previr a violencia no deporte base galego

A Unión de Federacións Deportivas Galegas (UFEDEGA) presentou onte na Cidade da Cultura de Santiago de Compostela o proxecto Deixa Xogar, unha iniciativa pioneira que é o resultado institucional do convenio asinado con Juntos Invulnerables e que busca crear un marco común de prevención, protección e sensibilización fronte ás violencias no deporte base.

O proxecto Deixa Xogar conta co apoio da Consellería de Presidencia, Xustiza e Deportes da Xunta de Galicia.

O acto reuniu representantes das federacións deportivas galegas, clubs, administracións públicas, profesionais do eido educativo e familias, nun encontro que puxo o foco na necesidade de unir esforzos e avanzar cara a unha cultura deportiva máis segura, respectuosa e responsable coa infancia e a adolescencia.

Un proxecto nacido do tecido federativo galego

Durante a presentación, UFEDEGA destacou que DEIXA XOGAR é un proxecto que xorde directamente das necesidades detectadas polas propias federacións. O seu obxectivo principal é dotar o deporte galego dunha estrutura, ferramentas e recursos comúns para identificar, previr e actuar fronte ás distintas manifestacións de violencia, desde as máis visibles ata aquelas que adoitan normalizarse no día a día.

Entre os elementos presentados destacaron:

• A Guía Deixa Xogar, un documento práctico e de referencia dirixido a clubs, familias, federacións e persoas Delegadas de Protección.

• As infografías e materiais divulgativos, que se empregarán para sensibilizar no ámbito deportivo

Intervencións e mesa redonda

O evento contou coa participación de Elena Casal, representante da arbitraxe feminina na Real Federación Galega de Fútbol, que deu voz ao colectivo arbitral; Julio Fernández, presidente da Federación Galega de Baloncesto, que representou todas as federacións galegas; María Torrente, directiva do Club Balonmán Narón en representación das entidades deportivas galegas; e Dani Merayo, deportista federado vítima de violencia física e verbal durante a súa etapa de deportista de alto nivel, que representou o colectivo de deportistas federados galegos.

Os convidados analizaron o impacto das condutas violentas nas etapas formativas, incidindo na importancia de reforzar a prevención, mellorar a formación e xerar espazos de acompañamento para a infancia e adolescencia.

Beatriz Gelpi, cofundadora de Juntos Invulnerables, lembrou que a violencia no deporte base non comeza con grandes escándalos, senón con frases e condutas cotiás que durante anos se normalizaron. Sinalou o impacto que isto ten en nenas, nenos e mesmo nos árbitros adolescentes, e destacou que familias e entidades deportivas comparten a responsabilidade de crear contornas seguras e educativas. Subliñou que o primeiro paso é desaprender vellos patróns e avanzar cara a unha cultura do bo trato que comeza na forma na que cada día nos relacionamos coa infancia.

O conselleiro de Presidencia, Xustiza e Deportes, Diego Calvo, convidou as familias e clubs a facer unha reflexión interna sobre os aspectos a mellorar nas condutas persoais e salientou que “o deporte é un punto de encontro para o desenvolvemento persoal, para ter unha Galicia moito máis preparada e máis feliz”. “Temos todo o necesario para facer un bo traballo e espero que co traballo conxunto de todos os estamentos deportivos e da Xunta de Galicia consigamos eliminar esta lacra no deporte.

O artigo UFEDEGA presenta Deixa Xogar publicouse primeiro en Ufedega.

O secretario xeral para o Deporte, José Ramón Lete Lasa, participou no serán de hoxe na I Gala Homenaxe a Pablo Hinójar, adestrador de ximnasia do Centro Galego de Tecnificación Deportiva tristemente falecido o pasado mes de outubro. O mandatario en galego puxo en valor o “infinito legado que Pablo deixa aos seus alumnos e a todo o deporte galego” e destacou a súa figura como “unha persoa que revolucionou a ximnasia en Galicia”.

Nas súas verbas, o mandatario galego lembrou a gran contribución de Pablo Hinójar ao desenvolvemento da ximnasia galega, sobre todo nas especialidades de trampolín, tanto como deportista, sendo un dos pioneiros que ademais axudou á camiñar cara a igualdade nun deporte maioritariamente feminino, como adestrador. En 2004 fundou o seu club, o Ximnasia Pontevedra e, en 2020 converteuse en adestrador do CGTD. Ademais compaxinaba estes cargos cos de seleccionador nacional de dobre mini-tramp (DMT), tumbling e ximnasia acrobática.

Lete Lasa destacou como unha das maiores achegas de Pablo Hinójar ao deporte, o descubrimento dunha das xoias de Galicia, Melania Rodríguez, á que acompañou dende os 5 anos para conseguir nestes últimos tempos un magnífico fito como é a tripla coroa: campioa do Europeo, campioa dos Xogos Mundiais e campioa do Mundial en DMT. Neste sentido, o secretario xeral animou a Melania a continuar co seu espectacular camiño e, sobre todo, a loitar por esa clasificación olímpica en trampolín que tanto buscou nos ciclos olímpicos anteriores xunto a Pablo. “Estou seguro de que todo este traballo desembocará nos Xogos Olímpicos de Los Ángeles 2028 e cando o faga, o teu adestrador seguirá ao teu carón”, dixo.

Lete Lasa recordou que na vindeira gala das Distincións ao Mérito Deportivo de Galicia, Pablo Hinójar será condecorado a título póstumo. Estas distincións recoñecen ás persoas físicas ou xurídicas, entidades ou organismos, que estean contribuíndo ou contribuísen ao crecemento, á promoción, ao fomento e á excelencia do deporte e da educación física da nosa Comunidade Autónoma.

O artigo A Xunta recorda a Pablo Hinójar como “unha persoa que revolucionou a ximnasia en Galicia e cuxo legado é infinito” publicouse primeiro en Ufedega.

O secretario xeral para o Deporte, José Ramón Lete Lasa, participou no serán de hoxe na Gala do Ciclismo Galego 2025 organizada pola Federación Galega de Ciclismo que repartiu máis de 200 premios aos mellores deportistas da tempada que vén de concluír. Ademais, o mandatario galego recolleu unha mención especial para a Xunta de Galicia polo “indispensable apoio institucional na organización do Campionato de Europa de Ciclocrós 2024”.

A gala tivo lugar no Auditorio Reveriano Soutelo de Ponteareas, unha vila, dixo o secretario xeral, que veu nacer aos irmáns Rodríguez, “pioneiros e emblemas do ciclismo de Galicia”. Lete Lasa destacou aos irmáns Delio e Emilio, gañadores da Vuelta a España; así como a Manolo, subcampión; a Pastor, tamén ciclista e a José, futbolista. Pero sobre todo lembrou a Aurita Rodríguez, unha muller que nos anos 40 “subiuse a unha bicicleta para animar a moitas outras a facelo”.

Grazas ao exemplo dos irmáns Rodríguez e a moitos outros, asegurou Lete, “o ciclismo galego hoxe é un referente nacional e internacional”. Neste sentido, enumerou algúns dos fitos acadados en 2024 como que o ránking elite conta con dous equipos galegos nos tres primeiros postos -o Cortizo e o Rías Baixas-; que a Vuelta a España contou con catro etapas galegas; que O Gran Camiño volveu ser unha das mellores probas do circuíto profesional; a medalla de bronce de Damián Ramos nos Xogos Paralímpicos; e, cunha énfase especial, o Campionato de Europa de Ciclocrós celebrado en Pontevedra en novembro, sendo a primeira vez que este evento tiña lugar en España.

Lete Lasa subliñou a importancia dun campionato que consolidou a Galicia no mapa mundial do ciclismo, non só pola medalla de prata de Felipe Orts, a primeira para España nun europeo, senón polos éxitos galegos que acadaron tanto os deportistas de maior idade con catro medallas máster, así como os rapaces e rapazas máis novos. Miguel Rodríguez, Lorena Patiño e Aroa Otero, todos eles sub 23, acadaron o bronce coa selección española na proba Team Relay. “Que o ciclismo sexa de todos e de todas provoca que as licenzas federativas se teñan multiplicado por oito dende 2009”, apuntou.

O artigo Lete Lasa destaca que os máis de 200 premios entregados pola Federación de Ciclismo na súa gala amosan o excelente nivel do noso deporte publicouse primeiro en Ufedega.

O secretario xeral para o Deporte, José Ramón Lete Lasa, participou na tarde de hoxe na presentación do Club Baloncesto Vigo 3×3, o único equipo galego que disputa a Liga Nacional Femenina de baloncesto 3×3 e que conta co apoio da Xunta de Galicia. O mandatario galego asegurou que “os deportes urbanos e o deporte feminino viven un momento de esplendor en Galicia no que ser muller, galega e deportista é, moitas veces, sinónimo de ser campioa”.

Neste sentido destacou a importancia do Club Baloncesto Vigo 3×3 que xa comezou a súa andaina na liga nacional, conseguindo na primeira xornada un meritorio quinto posto. Do mesmo xeito, agradeceu o traballo e a iniciativa deste equipo a Luis Guimeráns, un deportista vinculado ao 3×3 dende os anos 90, e que agora formou este equipo con cinco rapazas galegas con experiencia: María Lago, Carla Fernández, Sara Fernández, Tatiana Casal e Laura Martínez.

Lete Lasa apuntou o nivel que está a coller un deporte como o 3×3 que é olímpico dende Tokio 2020. Ademais lembrou como a selección feminina española acadou en París unha valiosa medalla de prata. A pesar de non estar nesa selección olímpica, a xogadora baionesa, Marta Canella, leva moitos anos axudando ao equipo nacional como, por exemplo, no Europeo de Francia de 2021 no que se colgaron o ouro. Do mesmo xeito, o responsable do Deporte galego destacou o papel do coruñés, Carlos Martínez, como un fixo da selección masculina.

Por último, Lete Lasa destacou asemade o papel doutro equipo galego na liga nacional 3×3, neste caso a masculina como o Groinn Santa Baia de Boiro, que tras seis xornadas tamén está a realizar un gran papel na cuarta posición da clasificación xeral.

O artigo Lete Lasa pon en valor o gran momento que en Galicia viven o deporte feminino e os deportes urbanos coa presentación do Club Baloncesto Vigo 3×3 publicouse primeiro en Ufedega.

A saída de Rafael Louzán (tras cinco anos no cargo) pola súa recente elección coma presidente da Real Federación Española de Fútbol, provocou a celebración de novos comicios na UFEDEGA (Unión de Federacións Deportivas Galegas).

Javier Nogueira (1965, Moscoso, Pazos de Borbén) , ex-presidente da Federación Galega de Caza e un dos precursores desta alianza das federacións deportivas galegas, foi hoxe ratificado coma presidente pola xunta electoral. Javier forma parte dunha candidatura única, froito do consenso de moitas das federacións que forman a súa xunta directiva, entre elas:

• Vicepresidencia: Federación Galega de Baloncesto
• Vicepresidencia: Federación Galega de Piragüismo
• Tesourería: Federación Galega de Ciclismo
• Secretaría: Federación Galega de Balonmán
• Vogal: Federación Galega de Salvamento e Socorrismo
• Vogal: Federación Galega de Vela
• Vogal: Federación Galega de Voleibol
• Vogal: Federación Galega de Kárate
• Vogal: Federación Galega de Pádel
• Vogal: Federación Galega de Triatlón
• Vogal: Federación Galega de Judo
• Vogal: Federación Galega de Atletismo
• Vogal: Federación Galega de Tekwondo

A Unión de Federación Deportivas Galegas conta con cincuenta e oito disciplinas asociadas e ten coma principal obxectivo o de fortalecer o deporte galego federado, dando soporte ás pequenas e medianas federacións deportivas de Galicia.  Javier Nogueira quere identificar o seu proxecto co lema: “A Forza do Deporte Federado Galego”, o novo presidente de UFEDEGA amosouse moi ilusionado co novo proxecto: “ a verdade é que non mo esperaba, pero recibín a chamada dos meus ex-compañeiros e amigos, e eu son un namorado do deporte federado de Galicia e desta unión de federacións, non puiden dicir que non; queremos unir, queremos sumar e sobre todo queremos implicar a todas e cada unha das federacións na mellora do deporte galego”.

Javier Nogueira, que estivo once anos ao mando da Federación Galega de Caza, encabezará agora o difícil e ilusionante reto de unir a todas as modalidades deportivas na procura da mellora común.

O artigo JAVIER NOGUEIRA, NOVO PRESIDENTE DA UNIÓN DE FEDERACIÓNS DEPORTIVAS GALEGAS publicouse primeiro en Ufedega.

Equipos campións e finalistas por divisións:

• Campioas División de Honra – Casino Ferrolano TC (A)
• Finalistas División de Honra – CC Mercantil I. de Vigo (B)
• Campioas de Primeira División – CC Mercantil I. de Vigo (A)
• Finalistas Primeira División – Club Campo Ferrol (A)
• Campioas Segunda División – C. Mercantil Ind. Pontevedra (A)
• Finalistas Segunda División – Club Tenis Redes (A)

O artigo Campionato Galego de Equipos Veteranas +40 2024 publicouse primeiro en Ufedega.

O vigués venceu na segunda rolda a Mohamad Yusshazwan Yusoff (MAS) cun resultado de 6-3 6-0, en cuartos impúxose por 7-5 6-0 a Alexander Cataldo (CHI) e en semifinais eliminou a Gordon Reid. (GBR) 6-3 6-2.

Na final perdeu cun resultado de 6-3 6-3 ante o arxentino Gustavo Fernández.

Na final de dobres Martín logrou o título de campión xunto co holandés Ruben Spaargaren. Gañaron na final por 6-1 7-6(3) á parella formada polo madrileño Daniel Caverzaschi e o brasileiro Daniel Rodrigues.

O artigo De la Puente campión de dobres e finalista de individuais no Victorian Wheelchair Open publicouse primeiro en Ufedega.

Javier logrou chegar á final da proba +55, eliminando a Carl Molinero (SWE) 3-6 6-2 10-6, a Alberto Castillo (ITA) 6-1 6-0 e a Thomas Scherk (GER) 6-1 6-0.

Na final perdeu ante o alemán Maik Emmermann.

O artigo Javier Méndez Varela finalista no ITF MT200 Manacor publicouse primeiro en Ufedega.